لاہور (آن لائن) پاکستانی کرکٹر حسن رضا متحدہ عرب امارات کی ٹیم کا حصہ بننے کیلئے تیار ہیں۔ تفصیلات کے مطابق پاکستان کے ایک اور ٹیلنٹڈ کرکٹر نے ملک کو خیر آباد کہنے کا فیصلہ کر لیا ہے۔ مسلسل نذر انداز کیے جانے پر حسن رضا نے پاکستان کو خیر آباد کہہ کر متحدہ عرب امارات منتقل ہونے کا فیصلہ کیا ہے۔ حسن رضا کو جلد متحدہ عرب امارات کی کرکٹ ٹیم میں شامل کر لیے جانے کا امکان ہے۔حسن رضا گزشتہ 5 برس سے عرب امارات میں ہونے والی کئی لیگس کا حصہ رہ چکے ہیں اور اماراتی ٹیم کا حصہ بنانے کیلئے ان کی سب سے زیادہ مدد پاکستان کے سابق کرکٹر عاقب جاوید کر رہے ہیں، واضح رہے کہ حسن رضا نے 20 برس قبل پاکستان کی جانب سے 14 برس کی عمر ٹیسٹ کرکٹ میں ڈیبیو کرکے کم عمر ترین ٹیسٹ کرکٹر ہونے کا اعزاز حاصل کیا تھا۔ ۔