اسلام آباد( مانیٹرنگ ڈیسک) محمد علی سے ایک بار ٹی وی انٹرویو میں پوچھا گیا کہ آپ کتنے اچھے مسلمان ہیں تو محمد علی نے جواب دیا کہ میں کیسے کہہ سکتا ہوں کہ میں اچھا مسلمان ہوں ‘ کوئی بھی سچا مسلمان یہ نہیں کہہ سکتا کہ میں ٹھیک ہوں کیوں کہ فیصلہ کرنے والی اللہ کی ذات ہے اور وہی بہترین جج ہے۔ محمد علی نے کہا کہ اسلام نے مجھے سعودی عرب، پاکستان ‘مراکش اور شام جیسے ممالک سے جوڑا۔ اسلام نے مجھے صدام حسین سے جوڑا اسی لئے میں نے اسلام کو منتخب کیا۔ محمد علی نے کہا کہ مجھے خدا پر پختہ یقین ہے اور اسی لئے خدا نے مجھے اتنا نوازا ہے۔ محمد علی نے کہا کہ میں ہر وقت اللہ کی بات کرتا ہوں اور یہی میرے لئے باعث فخر ہے اور اسی لئے میں دنیا میں عظیم ہوں کیونکہ میں اللہ کی تعریف پہلے کرتا ہوں۔ محمد علی سے جب یہ پوچھا گیا کہ وہ اگلے 16 سال سب سے اچھا کام کیا کریں گے تو محمد علی نے جواب دیا کہ میں اپنے خدا سے ملنے کی تیاری کروں گا۔ میں اپنی زندگی اور شہرت انسانیت کی خدمت کیلئے وقف کروں گا۔ میں چاہتا ہوں کہ جب میں مرجاؤں تو میں جنت میں جاؤں ۔

مزید پڑھئیے:عظیم باکسر محمد علی کے ہاتھ پر کتنے لاکھ امریکیوں نے اسلام قبول کیا ؟ جان کر ہر زبان سبحان اللہ کہہ اٹھے گی