اسلام آباد(مانیٹرنگ ڈیسک) صدی کے عظیم ترین باکسر محمدعلی دنیا سے چلے گئے مگر اپنے پیچھے ان گنت یادیں چھوڑ گئے۔ انٹرنیٹ پر وائرل ایک رپورٹ کے مطابق بیلجئم کے ’’کوپ‘‘ نامی ایک باکسر نے 1 لاکھ ڈالر کے عوض محمد علی کیخلاف رنگ میں اترنے کا فیصلہ کیا۔ اس وقت بھی ان مقابلوں کے حساب سے 1 لاکھ ڈالر بہت تھوڑی رقم بنتی تھی، جب بیلجیم کے باکسر کوپ سے پوچھا گیا کہ انہوں نے صرف ایک لاکھ ڈالر کے عوض محمد علی کیخلاف رنگ میں اترنے کا فیصلہ کیوں کیا تو ’’کوپ‘‘ کے جواب نے صحافی کو ورطہ حیرت میں ڈال دیا اور ’’کوپ‘‘ کا یہ بیان محمد علی کی عظمت کا ایک دلچسپ واقعہ بن گیا۔
’’کوپ‘‘ نے کہا کہ میں نے صرف 1 لاکھ ڈالر کے عوض محمد کیخلاف باکسنگ میچ کا فیصلہ کیا کہ ’’میں، میرے بچے اور میری نسلیں یہ کہہ سکیں کہ صدی کے عظیم ترین انسان کیخلاف ہمارے باپ/ داد نے میچ لڑا تھا‘‘اور یہ ہمارے لئے انتہائی اعزاز کی بات رہے۔واضح رہے کہ پوری دنیا کے میڈیا سمیت اہم عالمی رہنماؤں نے محمد علی کو صدی کا عظیم ترین سپورٹس مین تسلیم کیا ہے اورانہی کارناموں کی وجہ سے ’’رِنگ‘‘میں دہشت سے مقابل کو پچھاڑ دینے والے اس عظیم باکسر کا نام رہتی دنیا تک یاد رکھا جائے گا۔

 مزید پڑھئیے:عظیم باکسر محمد علی کے ہاتھ پر کتنے لاکھ امریکیوں نے اسلام قبول کیا ؟ جان کر ہر زبان سبحان اللہ کہہ اٹھے گی