کراچی(آئی این پی)اسپاٹ فکسنگ میں تاحیات پابندی کے شکار قومی لیگ اسپنر دانش کنیریا نے اپنی مشکلات میں مزید اضافہ کرلیا، انہوں نے بھارتی کرکٹ بورڈ سے اپنی پابندی ختم کرانے میں مدد مانگ کر پی سی بی کے اعلی عہدیداروں کو ایک مرتبہ پھر ناراض کر دیا ہے ۔ پاکستان کرکٹ بورڈ کے ذرائع کے مطابق لیگ اسپنرکیلئے پی سی بی حکام کے دلوں میں نرم گوشہ پیدا ہونے لگا تھا تاہم انہوں نے ایک مرتبہ پھر بھارت سے مدد مانگ کر اپنی مشکلات میں اضافہ کرلیا ہے کیونکہ ان دنوں پی سی بی اور بی سی سی آئی میں کوئی رابطہ نہیں اور معاملات کو مزید خرابی سے بچانے کی خاطر حکومت پاکستان نے بھی پی سی بی کو ہدایت کی ہے کہ وہ بی سی سی آئی سے باہمی سیریز کے معاملے پر استفسار نہ کرے ۔