اسلام آباد(مانیٹرنگ ڈیسک) مایہ ناز پاکستانی سپنر اہم سرکاری عہدے پر تعینات‘ سعید اجمل کو ڈائریکٹر ڈویلپمنٹ کرکٹ پنجاب کا عہدہ دے دیا گیا‘ سعید اجمل نے ٹویٹر پر جاری اپنے بیان میں کہا کہ ڈائریکٹر ڈویلپمنٹ کرکٹ کے عہدے پر تقرری میرے لئے اعزاز کی بات ہے ۔ میں اس کیلئے وزیر اعلیٰ پنجاب شہباز شریف اور ڈی جی پنجاب سپورٹس بورڈ کا شکر گزار ہوں ‘ انہوں نے کہا کہ میں پنجاب میں با صلاحیت نوجوان کرکٹرز تلاش کروں گا جنہیں کرکٹ اکیڈمیز میں تربیت دی جائے گی۔ واضح رہے کہ اس سے قبل کرکٹ اکیڈمی معاملے پر سعید اجمل اور پنجاب حکومت میں طویل عرصہ تک چپقلش رہی ہے۔
