لندن(آن لائن)شاہد آفریدی نے جارحانہ 21رنزبنانے کے علاوہ ڈینئل بل ڈرمونڈ کی اہم ترین وکٹ سمیت تین کھلاڑیوں کو پویلین بھیج کر اپنی نئی کاؤنٹی ٹیم ہمپشائر کو 9رنز سے فتح دلادی۔پاکستانی آل راؤنڈر شاہد آفریدی نے نیٹ ویسٹ ٹی ٹوئنٹی بلاسٹ میں اپنے دوسرے میچ میں آل راؤنڈرکارکردگی پیش کرتے ہوئے ہمپشائر کو کینٹ کے خلاف9وکٹوں سے اہم کامیابی دلادی۔پہلے بیٹنگ کرنے والی ہمپشائرکاؤنٹی کیلئے پانچویں نمبرپر کھیلتے ہوئے 2چوکوں کی مددسے14 گیندوں پر 21رنزبنائے۔بعدازاں بولنگ میں انہوں نے کینٹ کے ٹاپ اسکوررڈنیئل بل ڈومونڈ(64)کی اہم ترین وکٹ سمیت شاہد آفریدی نے تین وکٹیں حاصل کرکے کینٹ کو ہدف سے9رنز کے فاصلے پر رکھنے میں اہم کردار اداکیا۔ اس کارکردگی پر پاکستانی آل راؤنڈرکو میچ کا بہترین کھلاڑی قرار دیاگیا۔یہ رواں سیزن میں شاہد آفریدی کا ہمپشائر کاؤنٹی کیلئے دوسرا میچ تھا ،اس سے قبل مڈل سکس کے خلاف میچ میں8رنزبنانے کے علاوہ 17رنزکے عوض 2کھلاڑیوں کو آؤٹ کیاتھا۔ ۔#/s#