دبئی ( این این آئی ) انٹرنیشنل کرکٹ کونسل کے چیف ایگزیکٹو ڈیوڈ رچرڈ سن نے پاکستان کرکٹ ٹیم کے فاسٹ باؤلر محمد عامر کی حمایت میں بیان دیتے ہوئے کہا ہے کہ محمد عامر نے سزا بھگت لی ، اگر انگلینڈ کا ویزہ نہ دیا گیا تو یہ کرکٹر کے ساتھ زیادتی ہو گی ۔انہوں نے کہا کہ محمد عامر اسپاٹ فکسنگ کیس میں عائد سزا بھگت چکے ہیں اب کوئی بھی ان پر کرکٹ کے دروازے بند نہیں کر سکتا ۔ڈیوڈ رچڑڈ سن کے مطابق محمد عامر کی انٹرنیشنل کرکٹ میں واپسی کھیل کے لیے بہتر ہے اور وہ نوجوان کھلاڑیوں کے لیے مثال ہیں ۔واضح رہے کہ پاکستان کرکٹ بورڈ نے دورہ انگلینڈ کے لیے قومی کرکٹر کے ویزہ کے لیے درخواست جمع کرائی ہوئی ہے ۔