سڈنی (نیوزڈیسک)پاکستان کرکٹ بورڈ کے بعد کرکٹ آسٹریلیا نے بھی آئی سی سی ورلڈ ٹی ٹونٹی ورلڈ کپ کی شکست کی وجوہات جاننے کیلئے کمیٹی قائم کردی ہے،آسٹریلین کرکٹ بورڈ کے مطابق اس سلسلے میں کمیٹی تمام کھلاڑیوں سے جلد رابطے کرکے شکست کی وجوہات معلوم کریگی۔اس بات پر بھی غور کیا جائے گا کہ اہم میچز میں دنیا کے بہترین ٹی ٹونٹی کرکٹر آئرون فنچ کو کیوں نہیں کھلایا گیا۔کرکٹ آسٹریلیا کے ہیڈ پیٹ ہوورڈز کا کہنا ہے کہ بورڈ ڈومیسٹک ٹی ٹونٹی ایونٹ میں ٹیموں کا معیار بہتر بنانے اور موجودہ ٹورنامنٹ میں موجود خامیوں پر بھی کام کرے گی۔