لاہور ( این این آئی) قومی وویمن کرکٹ ٹیم کی کپتان ثنا میر نے ٹی ٹونٹی ٹیم کی کپتانی سے مستعفی ہونے کا اعلان کرتے ہوئے کہا ہے کہ اب ٹیم میں کھلاڑی کی حیثیت سے کھیلوں گی۔لاہور میں میڈیا سے گفتگو کرتے ہوئے قومی ویمنز کرکٹ ٹیم کی کپتان ثنا میر نے کہا کہ وہ قومی ٹی ٹونٹی کی کپتانی سے مستعفی ہو رہی ہیں لیکن جونیئر کھلاڑیوں کی گرومنگ کے لیے ٹیم میں کھیلتی رہوں گی۔ انکا کہنا تھا کہ ورلڈ ٹی ٹونٹی ورلڈ کپ میں بھارت جیسی ان فارم ٹیم کو ہرانا اعزاز کی بات ہے، فیلڈنگ اور باؤلنگ میں لڑکیوں نے اچھا پرفارم کیا۔ ثنا میر کا کہنا ہے کہ ہمیں اپنی بیٹنگ مضبوط کرنا ہوگی۔