لاہور (نیو زڈیسک) پاکستان کرکٹ بورڈ نے ہیڈ کوچ کی تلاش کیلئے اشتہار دےدیا، درخواستیں پچیس اپریل تک موصول کی جائیں گی۔اپنی ویب سائٹ پر کرکٹ بورڈ نے ہیڈ کوچ کیلئے اشتہار دےدیا ہے جبکہ اخبارات میں آج شائع کیا جائے گا۔ نئے ہیڈ کوچ کیلئے انٹر نیشنل کوچنگ کا کم از کم پانچ سال کا تجربہ ہونا ضروری ہے جبکہ فرسٹ کلاس کوچنگ کے اہل کیلئے دس سال کی مہارت لازمی قرار پائی ہے۔ ٹیسٹ کرکٹرز کو ترجیح دی جائے گی ۔ پی سی بی کے مطابق ہیڈ کوچ کی تقرری کیلئے 25 اپریل تک درخواستیں وصول کی جائیں گی جس کے بعد کوچ کی تعیناتی کا فیصلہ کیا جائے گا۔