ممبئی (نیوزڈیسک) سابق بھارتی بیٹسمین سچن ٹنڈولکر ویسٹ انڈین کرکٹرز کے غمگسار بن گئے، انھوں نے بنگال میں کالی ا آندھی کے چھا جانے کے بعد اپنے ٹوئٹر اکاو¿نٹ پر فاتح کھلاڑیوں کی حمایت میں لکھا کہ ویسٹ انڈیز کے پلیئرز حقیقی چیمپئنز ہیں۔کیریبیئن سائیڈ کے قائد ڈیرن سیمی نے انگلینڈ کیخلاف فتح کے بعد بورڈ کے حوالے سے کھلاڑیوں کو درپیش مسائل پر گفتگو کی تھی، ان کا کہنا تھا کہ ہمیں (ڈبلیو آئی سی بی) کے ساتھ مسائل درپیش ہیں، مارک نکولس نے ہمیں دماغ سے عاری پلیئرز قراردیا تھا لیکن تنقید نے ہمیں ایک دوسرے سے مزید قریب کردیا، ہم جذباتی شائقین کے سامنے ایسی کرکٹ کھیلنے میں کامیاب ہوئے جو کہ واقعی بہترین تھی۔