کولکتہ(نیوزڈیسک) ویسٹ انڈین کرکٹ بورڈ نے اپنے اور کھلاڑیوں کے مابین فاصلے مٹانے کے لیے بڑا قدم اٹھا لیا ہے۔ میڈیا رپورٹس کے مطابق گزشتہ ڈیڑھ سال سے ویسٹ انڈین کرکٹ بورڈ اور کھلاڑیوں کے مابین تعلقات انتہائی کشید ہ ہے جس کی بڑی وجہ ویسٹ انڈین کھلاڑیوں کی جانب سے 2014 میں سنٹرل کانٹریکٹ کے تنازعے پر دورہ بھارت سے علیحدگی اختیار کرنا تھا جبکہ گزشتہ روز ویسٹ انڈین کپتان ڈیرن سیمی نے ورلڈ ٹی ٹونٹی کا فائنل جیتنے کے بعد بھی اپنے کرکٹ بورڈ کو آڑے ہاتھوں لیتے ہوئے اس پر شدید تنقید کی جس پر آج ویسٹ انڈین کرکٹ بورڈ کے چیف ایگزیکٹو مائیکل موئیر ہیڈ نے اپنے ایک بیان میں کہا کہ کھلاڑی ٹائٹل جیتنے کے بعد ملنے والی 16لاکھ ڈالر کی انعامی رقم آپس میں خود تقسیم کرسکتے ہیں۔