کولکتہ(نیوزڈیسک) ایڈن گارڈنز کرکٹ سٹیڈیم میں کھیلے جا رہے ورلڈ ٹی ٹونٹی کے فائنل میچ میں ویسٹ انڈیز کے کپتان ڈیرن سیمی نے ٹاس جیت کر انگلینڈ کو پہلے بیٹنگ کی دعوت دی ہے۔ حیرت انگیز طورپر ڈیرن سیمی ورلڈکپ ٹی ٹوئنٹی میں مسلسل چھ ٹاس جیتے ہیں جو کہ ایک ریکارڈ ہے ۔ٹاس کے بعد گفتگو کرتے ہوئے ڈیرن سیمی کا کہنا تھا کہ ویسٹ انڈیز کی ٹیم میں کوئی تبدیلی نہیں کی گئی ہے۔ سکواڈ میں شامل تمام کھلاڑی میچ ونر ہیں۔ واضح رہے کہ پورے ٹی ٹوئنٹی ورلڈ کپ میں ٹاس انتہائی اہم رہا ہے اور زیادہ تر ٹارگٹ چیس کرنے والی ٹیمیں ہی کامیاب رہی ہیں۔ڈیرن سیمی نے ٹاس جیت کر انگلینڈ کو پہلے بیٹنگ کی دعوت دے کر جیت کی جانب پہلا قدم کامیابی کے ساتھ اٹھالیاہے۔