ممبئی(نیوزڈیسک ) ورلڈ ٹی ٹونٹی کے سیمی فائنل میں بھارت کوہرانے پر ویسٹ انڈیزٹیم کے کپتان ڈیرن سیمی اور آل راوڈر ڈووین براوو نے ہوٹل واپسی پر اپنی جیت پر ڈانس کیا اور گانا بھی گایا ۔ ڈیرن سیمی کی اس حرکت پر پورے بھارت کی ہلچل مچ گئی ۔ فائنل میں کوالیفائی کرنے پر جب ویسٹ انڈیز کی ٹیم ہوٹل پہنچی تو اس میں سے پہلے دو نکلنے والی کھلاڑی ڈیرن سیمی اور ڈووین براوو تھے جنہوں نے جیت کی خوشی کو دوبالاکر نے کے لیے ڈانس کے ساتھ ساتھ میں ”چیمپئن ،چیمپئن “ کا گانا بھی گایا ،غیر ملکی شائقین کرکٹ نے ان کے قدم کے ساتھ قدم ملا لیے۔ محفل کو چار چاند اس وقت لگے جب گیل نے سیمی اور براوو کے ساتھ مل کر ڈانس کے ساتھ ”چیمپئن ،چیمپئن “ گانا شروع کیا ۔ یاد رہے کہ ویسٹ انڈیز نے انڈیا کو 7وکٹوں کے سے شکست دے کر فائنل میں کوالیفائی کر لیا ہے۔ فائنل کا مقابلہ ویسٹ انڈیز اور انگلینڈ کے درمیان اتوار3اپریل ہوگا۔