لاہور( نیوز ڈیسک) پاکستان تحریک انصاف کے سربراہ ، لیجنڈ کرکٹر عمران خان سے قومی ٹیم کے ہیڈ کوچ وقار یونس نے لاہور میں ملاقات کی ،جس میں قومی ٹیم کی کارکردگی کے حوالے سے تفصیلی تبادلہ خیال کیا گیا ۔ذرائع کے مطابق قومی ٹیم کے ہیڈ کوچ وقار یونس کی خواہش پر ذاکر خان نے عمران خان سے ملاقات کا اہتمام کیا جس میں قومی ٹیم کی کاکردگی اور دیگر معاملات پر تبادلہ خیال کیا گیا ۔ ذرائع کے مطابق ملاقات میں وقار یونس کے کوچ کے عہدے سے مستعفی ہونے بارے بھی تبادلہ خیال کیاگیا تاہم عمران خان نے وقار یونس کو مشورہ دیا ہے کہ انہیں اپنے طے شدہ معاہدے تک کوچنگ جاری رکھنی چاہیے ۔