ممبئی (نیوز ڈیسک) پاکستان کے سابق فاسٹ باﺅلروسیم اکرم نے کہا ہے کہ وہ بالکل خیریت سے ہیں، ان پر حملہ کرنے والے انہیں نہیں جانتے تھے۔تفصیلات کے مطابق ممبئی میں لائیو انٹرویو کے دوران پیش آنے والے واقعے کے بعد وسیم اکرم کا بیان بھی سامنے آ گیا ہے جس میں انہوں نے بتایا کہ وہ بالکل خیریت سے ہیں، نہ کسی نے مجھے کچھ بولا نہ مجھ پر حملہ کیا، مائیک اور کیمرے ہٹانے والے مجھے جانتے تک نہیں تھے۔انہوں نے کہا کہ جس جگہ کیمرے لگے تھے وہ مندر کی جگہ تھی، مائیک اور کیمرہ ہٹانے والوں نے اپنا کام کیا اور چلے گئے، نہ مجھ پر حملہ کیا اور نہ ہی کچھ بولا اس لئے واقعے کو پاکستانی سے بدسلوکی کا رنگ دینا درست نہیں ہے۔