موہالی(نیوزڈیسک)محمدحفیظ اپنے نہ کھیلنے کی وجہ ثبوتوں سمیت منظر عام پر لے آئے،ورلڈ ٹی ٹونٹی میں قومی بیٹسمین محمد حفیظ کی فٹنس کے حوالے سے متضاد خبروں نے ان کی اہلیہ کو بھی پریشان کر دیا ہے جنہوں نے فون پر ”پروفیسر“سے پوچھا کہ کیا آپ واقعی کسی انجری کا شکار ہیں یا اور بھی کوئی بات ہے؟۔ انہوں نے محمد حفیظ سے کہا کہ پاکستان میں سب یہی کہہ رہے ہیں کہ بھارت کیخلاف نچلے نمبروں پر بھیجے جانے پر آپ نے انجری کا بہانہ بنایا ہے۔ محمد حفیظ کا کہنا تھا کہ انجری کی ایم آر آئی میں بھی تصدیق ہوئی ہے اور وہ اس سے نجات کیلئے مسلسل دوائیں کھا رہے ہیں ورنہ کون اتنا اہم میچ چھوڑتا ہے۔