موہالی(نیوزڈیسک)آفریدی کا”ادھورا اعلان“،شاہدآفریدی بھارت کے بجائے وطن واپس آکر کپتانی سے استعفے کا اعلان کریں گے۔جبکہ کرکٹ سے مکمل ریٹائرمنٹ کا فیصلہ فی الحال موخر کردیا ہے۔شاہد آفریدی کے مستقبل کے حوالے سے ذرائع کا کہنا ہے کہ وہ کپتانی چھوڑ کر بطور کھلاڑی ٹیم کا حصہ رہیں گے ۔ آسٹریلیا کے خلاف میچ میں ناکامی کے بعد میڈیا سے گفتگو کرتے ہوئے شاہد آفریدی کا کہنا تھا کہ وہ اب مزید کپتانی تو نہیں کریں گے تاہم بطور کھلاڑی اب بھی قومی ٹیم کی نمائندگی کرسکتے ہیں ، ہماری باو¿لنگ نے آج عمدہ کھیل پیش کیا تاہم بلے بازوں نے مایوس کیا۔