موہالی(نیوزڈیسک) صحافی کے سوال پر شعیب ملک کادھماکہ خیز جواب، تفصیلات کے مطابق آسٹریلیا کیخلاف میچ سے قبل ایک صحافی کے سوال پر شعیب ملک ششدر رہ گئے مگر انہوں نے صورتحال کو کنٹرول کرلیا ان سے سوال ہوا کہ ”آپ سے چوکاتو لگ نہیں رہا اور 2019ءورلڈ کپ کھیلنے کی بات کرتے ہیں“ سابق کپتان نے اس پر کہا کہ میرا دل چاہ رہاہے کہ سوال کاجواب نہ دوں مگر آپ اتنی دورپاکستان سے آئے ہیں اس لئے دے دیتاہوں نیوزی لینڈ سے اس میچ میں چھ سے بیس اوورز کے دوران دو تین ہی باﺅنڈریز لگیں بعض بیٹسمین کچھ گیندیں کھیلنے کے بعد ہی جارحانہ اسٹروکس کھیلتے ہیں میرے ساتھ بھی ایساہی ہے جب سے میری پاکستانی ٹیم میں واپسی ہوئی میں ٹاپ اسکورر ہوں اورٹی ٹوئنٹی میں پینتیس کے قریب اوسط ہے، میں آپ کی عزت کرتاہوں لیکن اگر ہوم ورک ہوتا تو ایسے سوال نہ کرتے۔