موہالی(نیوز ڈیسک)قومی کرکٹ ٹیم کے اوپنر احمد شہزاد کا کہنا ہے کہ آج کا میچ جیت کر قومی ٹیم کے کپتان شاہد آفریدی کو تحفہ دیں گے۔موہالی میں آسٹریلیا کے خلاف میچ سے قبل احمد شہزاد کا اپنے انٹرویو میں کہنا تھا کہ آسٹریلیا کے خلاف میچ بہت اہم ہے اس لئے ماضی میں جو کچھ ہوا اس کو بھلا کر تمام تر توجہ آج کے میچ پر ہے۔ ان کا کہنا تھا کہ ہماری ٹیم میں کوئی زیادہ دروبدل نہیں کیا گیا ہے اور میچ میں اچھا پرفارم کرنے کی کوشش کریں گے۔
شاہد آفریدی سے متعلق پوچھے گئے سوال پر احمد شہزاد کا کہنا تھا کہ وہ میرے بڑے بھائیوں کی طرح ہیں اور ان سے میرے کسی قسم کے اختلافات نہیں ہیں، آج کا میچ جیت کر شاہد آفریدی کو تحفہ دیں گے۔