موہالی(نیوز ڈیسک) قومی ٹیم کی موہالی میں پریکٹس کے دوران عمر اکمل کو مینیجمنٹ کی جانب سے لفٹ نہ کروائی گئی۔ تفصیلات کے مطابق ٹی ٹوئنٹی ورلڈکپ کے سلسلے میں پاکستان اور آسٹریلیا کی ٹیموں کے درمیان اہم میچ کل موہالی میں کھیلا جائے گا۔ پاکستان کو سیمی فائنل کی دوڑ میں شامل رہنے کیلئے آسٹریلیا کیخلاف میچ میں فتح حاصل کرنا لازمی ہے۔ میچ کی تیاری کے سلسلے میں آج قومی ٹیم نے موہالی میں پریکٹس کی۔ تاہم اس دوران قومی ٹیم کے اہم بلے باز عمر اکمل کو کسی کی جانب سے لفٹ نہ کروائی گئی۔ عمر اکمل پریکٹس کے دوران ٹیم کے کھلاڑیوں سے دور دور رہے۔ یاد رہے کہ عمر اکمل نیوزی لینڈ کیخلاف میں مایوس کن کارگردگی کے بعد سے ٹیم مینیجمنٹ سمیت میڈیا اور عوام کی شدید تقید کی زد میں ہیں۔