موہالی(نیوزڈیسک)آسٹریلوی آل راونڈر شین واٹسن نے انٹرنیشنل کرکٹ کو خیرباد کہہ دیا ہے۔ 17 جون 1981ءکو آسٹریلیا کے شہر کوئنز لینڈ میں پیدا ہونے والے شین واٹسن نے آسٹریلیا کیلئے 59 ٹیسٹ، 190 ون ڈے اور 56 ٹی ٹونٹی میچز میں نمائندگی کی۔ شین واٹسن نے ٹیسٹ میچوں میں 3731، ون ڈے میچز میں 5757 اور ٹی ٹونٹی میچوں میں 1400 رنز بنائے۔ شین واٹسن نے ٹیسٹ میچوں میں آسٹریلیا کی نمائندگی کرتے ہوئے 75، ون ڈے انٹرنیشنل میں 168 جبکہ ٹی ٹونٹی میچوں میں 46 وکٹیں اپنے نام کیں۔ شین واٹسن نے جنوری 2005ء میں پاکستان کیخلاف ٹیسٹ ڈیبیو کیا تھا۔ شین واٹسن کا کہنا ہے کہ انجریز کی وجہ سے انٹرنیشنل کیرئیر کو جاری رکھنا ان کیلئے ممکن نہیں ہے۔