اسلام آباد(نیو ز ڈیسک)سابق کپتان شعیب ملک نے ان باتوں کو بے بنیاد اور فضول قرار دیا ہے کہ ٹیم میں کسی قسم کی گروپنگ ہے ۔قومی ٹیم اس وقت اپنے پول کے آخری میچ کے سلسلے میں موہالی میں قیام پذیر ہے۔میڈیا کے نمائندوں سے بات چیت کرتے ہوئے ان کا کہنا تھا کہ ٹیم میں کسی قسم کی گروپنگ نہیں ۔اگر ایسا ہوتا تو ٹیم 200رنز نہ بنا پاتی ۔انہی خبروں کی وجہ سے ہی ٹیم پر برا اثر پڑ رہا ہے ۔شاہد آفریدی کے حوالے سے ان کا کہنا تھا کہ سب کھلاڑی ان کی بہت عزت کرتے ہیں ۔ہمیں معلوم ہے کہ یہ ان کا آخری ٹورنامنٹ ہے اگر پاکستان یہ کپ جیتنے میں کامیاب ہوجاتا ہے تو مجھ سب سے زیادہ اس کی خوشی ہوگی۔