لاہور/کراچی(نیوز ڈیسک)پاکستان کرکٹ بورڈ کی گورننگ باڈی کے کچھ ارکان نے نئے کوچ کی تقرری کیلئے وسیم اکرم سے مشاورت کی مخالفت کر دی۔میڈیا رپورٹ کے مطابق کرکٹ بورڈ وقار یونس کی ناقص کارکردگی کے بعد انہیں تبدیل کر کے نئے کوچ کے بارے میں مشاورت کرنا چاہتا تھا۔ پی سی بی گورننگ بورڈ کے کچھ ارکان نے کہا کہ مشاورت صرف ان سابق کھلاڑیوں سے کی جائے جن کا ماضی صاف ہو۔انہوں نے کہا کہ وسیم اکرم کی مشاورت سے کوچ بنایا گیا تو پاکستانی ٹیم کی کارکردگی ایسی ہی بری رہے گی۔اس بارے میں پاکستان کرکٹ ٹیم کے سابق کپتان وسیم اکرم نے کہاکہ پی سی بی نئے کوچ کے بارے میں مشاورت کرنا چاہتا تھاتاہم کچھ لوگ چاہتے ہیں کہ ٹیم کاحال اسی طرح بْرا رہے۔