کراچی (نیوز ڈیسک) پاکستان کرکٹ بورڈ نے نئے کوچ کیلئے صلاح و مشورے تیز کر دیئے، عاقب جاوید کے ساتھ غیرملکی کوچز ٹام موڈی اور ڈین جونز کے ناموں پر بھی غور کیا جا رہا ہے۔ڈین جونز نے پی ایس ایل میں وسیم اکرم کے ساتھ چیمپیئن ٹیم اسلام آباد یونائٹیڈ کی کوچنگ کے فرائض نبھائے تھے، شہریار خان کو سابق کپتان نے ان کی خدمات حاصل کرنے کا مشورہ دیا ہے۔ ڈین جونز کو پاکستان میں سیکیورٹی کے حوالے سے بھی تشویش نہیں ہے تاہم اس حوالے سے حتمی فیصلہ ورلڈ ٹی ٹوئنٹی کے بعد ہوگا۔واضح رہے کہ قومی ٹیم کی ناقص کارکردگی کے پیش نظر چیئرمین پی سی بی 3 روز قبل اپنے ایک انٹرویو میں کوچ کی تبدیلی کا اشارہ دے چکے ہیں۔