بنگلور(نیوزڈیسک )بھارت بنگلہ دیش سے جیت بھی جائے تو بھی پاکستان کے سیمی فائنل میں پہنچنے کے امکانات زیادہ ،بھارت کو پاکستان سے بہتر رن ریٹ بنانے کیلئے بنگلہ دیش کو 55 رنز یا زائد سے شکست دینے کی ضرورت ہے۔ تفصیلات کے مطابق بھارت اور بنگلہ دیش کے درمیان ٹی ٹوئنٹی ورلڈکپ کے سلسلے میں اہم میچ بنگلور میں کھیلا جا رہا ہے۔سیمی فائنل کی دوڑ میں شامل رہنے کیلئے بھارت کو یہ میچ جیتنا ضروری ہے۔ میچ میں فتح کیساتھ ساتھ بھارت کو اپنا رن ریٹ بھی بہتر کرنے کی ضرورت ہے۔ بھارت کو پوئنٹس ٹیبل میں پاکستان سے بہتر رن ریٹ کرنے کیلئے بنگلہ دیش کو 55 رنز سے جبکہ آسٹریلیا سے بہتر رن ریٹ کرنے کیلئے 40 سے زائد رنز سے شکست دینے کی ضرورت ہے۔