لاہور(نیوز ڈیسک)پاکستان کرکٹ بورڈ(پی سی بی )نے سلیکشن کمیٹی اور ٹیم مینجمنٹ میں آپریشن کلین اپ کا فیصلہ کر لیا ہے، چیف سلیکٹر ہارون رشید ، ہیڈ کوچ وقار یونس اور ٹی ٹونٹی کے کپتان شاہد خان آفریدی کو فارغ کردیا جائے گا۔ذرائع نے بتایا ہے کہ پی سی بی ہیڈ کوچ اور چیف سلیکٹر کودوسرا موقع دینانہیں چاہتی۔بتایا گیا ہے کہ ہارون رشید کو پی سی بی بھی فارغ کرنے کا فیصلہ ہوا ہے۔ ذرائع کے مطابق قومی کرکٹ ٹیم کی مایوس کن کارکردگی پر بڑی تبدیلیوں کا امکان ہے۔ ذرائع نے بتایا ہے کہ سلیکشن کمیٹی توڑ دی جائے گی ،شاہد آفریدی ریٹائرڈ ہو جائیں گے۔ مزید بتایا گیا کہ وقار یونس کے معاہدے میں توسیع نہیں کی جائے گی ،قومی سلیکٹرز تحقیقاتی کمیٹی کے سامنے ذمہ داری قبول کر چکے ہیں۔