لاہور (نیوز ڈیسک)سابق ٹیسٹ کرکٹر عاقب جاوید کہتے ہیں کہ بھارت کے ہاتھوں شکست کی ذمہ دار ٹیم منیجمنٹ اور سلیکشن کمیٹی ہے۔ ٹیم میں پروفیسر اور بوم بوم کے علاوہ کسی بھی کھلاڑی کی جگہ پکی نہیں ہے۔نجی ٹی وی چینل سے بات چیت کرتے ہوئے کرکٹ پنڈت عاقب جاوید نے ٹیم مینجمنٹ اور سلیکڑز کو آڑے ہاتھوں لیا۔ عاقب جاوید کا کہنا تھا کہ کسی بھی کھلاڑی کو ایک دو میچز کے لیے نہیں تین سال کے لیے منتخب کیا جانا چائیے۔ سابق ٹیسٹ کرکٹر کا کہنا تھا کہ سلیکٹرز اور ٹیم مینجمنٹ نے ٹیم کا جو حال کیا ہے ویسی ہی ورلڈ ٹی ٹوینٹی میں پرفارمنس ہے۔