موہالی(نیوز ڈیسک) ورلڈ ٹی 20 میں بھارت کے ہاتھوں شکست کے بعد پاکستان کرکٹ بورڈ ( پی سی بی) نے نئے کوچ کی تلاش شروع کر دی ہے نجی ٹی وی کے مطابق پی سی بی کے چیئرمین شہریار خان نے ایگزیکٹو کمیٹی کے چیئرمین نجم سیٹھی سے کلکتہ میں ملاقات کی جس دوران نئے کوچ کی تقرری پر تبادلہ خیال کیا گیا۔ ذرائع کے مطابق ملاقات میں سابق کپتان وسیم اکرم بھی موجود تھے۔ واضح رہے کہ شہریار خان نے اپنے ایک بیان میں کہا تھا کہ شاہد خان آفریدی کا مستقبل واضح ہے البتہ ہیڈ کوچ وقار یونس کے مستقبل کا فیصلہ ٹی 20 ورلڈ کپ کے بعد کیا جائےگا تاہم اب لگتا یہ ہے کہ پی سی بی نے اپنا فیصلہ بدل لیا ہے اور نئے کوچ کی تلاش شروع کر دی ہے۔ ماہرین کا کہنا ہے کہ قومی ٹیم کی خراب کارکردگی اپنی جگہ لیکن ٹورنامنٹ کے دوران ہی کوچ کی تبدیلی مناسب نہیں ہے البتہ ورلڈ ٹی 20 کے فوراً بعد بھی کوچ تبدیل کر دیا جائے تو کوئی مضائقہ نہیں۔