اسلام آباد (نیوز ڈیسک) قومی ٹی 20 ٹیم کے کپتان شاہد آفریدی نے کہا ہے کہ بھارت سے شکست ماضی کا قصہ بن چکی ہے، کون کیا کہہ رہا ہے کوئی پرواہ نہیں، اب تمام تر توجہ نیوزی لینڈ کے خلاف میچ پر ہے۔نجی ٹی ویکے مطابق نیوزی لینڈ کے خلاف میچ سے قبل پریس کانفرنس کرتے ہوئے شاہد آفریدی نے کہا کہ بھارت کے خلاف شکست ماضی کا قصہ بن چکی ہے اور اب تمام تر توجہ نیوزی لینڈ کے خلاف میچ پر ہے جسے جیت کر سیمی فائنل کی دوڑ میں شامل ہوں گے۔ ان کا کہنا تھا کہ بھارت کے خلاف میچ میں قومی ٹیم نے بہت سی غلطیاں کیں جبکہ بھارت نے کم غلطیاں کیں اس لئے وہ کامیاب رہے۔