لاہور(نیوزڈیسک) پاکستان کرکٹ ٹیم کی بھارت سے شکست پر بھارتی پھولے نہیں سما رہے اور پاکستانی کرکٹرز جو کہ بھارتی چینلز پر بیٹھے تبصرے کرتے دکھائی دیتے ہیں وہ بھی انتہائی مشکلات کا شکار ہوگئے ،ایسے ہی ایک واقعے میں معروف فاسٹ باﺅلر شعیب اختر کے صبر کا پیمانہ بھی لبریز ہوگیا۔بھارتی چینل پر اسپورٹس پروگرام کے دوران پاکستان کی شکست پر شعیب اختر غصے میں آ گئے۔ اینکر کی ہنسی اور طنزیہ سوال پر شعیب اختر نے اینکر کو جھاڑ پلاتے ہوئے کہہ دیا کہ آ پ ہنسے کیوں، سوال کرنا ہے تو سنجیدگی سے کریں، جس پر اینکر سے کوئی جواب نہ بن پڑا۔