اسلام آباد (نیوز ڈیسک) ورلڈ ٹی 20 کے میگا ایونٹ میں پاکستان اور بھارت میں زور کا جوڑ پڑنے سے پہلے بارش نے رنگ میں بھنگ ڈال دیا۔روایتی حریف پاکستان اور بھارت میں کولکتہ کے ایڈن گارڈنز اسٹیڈیم میں زور کا جوڑ کچھ دیر بعد پڑیگا لیکن مختصر فارمیٹ کے بڑے میچ سے قبل موسم نے بھی اپنا رنگ دکھانا شروع کر دیا ہے اور موسلا دھار بارش شروع ہو گئی جو پاکستان کے لئے تو باعث رحمت ہے لیکن انڈین ٹیم کے ساتھ ساتھ بھارتی عوام کیلئے باعث زحمت بنتی جا رہی ہے۔ میچ نہ ہونے کی صورت میں اگر دونوں ٹیموں کو ایک ایک پوائنٹ ملے گے تو پاکستان کے کوارٹر فائنل میں جانے کے چانسز زیادہ جبکہ انڈیا کے مسدود ہو جائیں گے۔پنڈتوں کی پیش گوئی کیمطابق یہ میچ پاکستان کے پاس ہے چونکہ پاکستان کو بھارت پر برتری حاصل ہے ۔ اس حوالے سے بھارتی عوام میں کشمکش بھی پائی جاتی ہے تاہم ابھی کچھ بھی کہنا قبل از وقت ہوگا۔