اسلام آباد(سپیشل رپورٹ: عدیل اعظم) پاک بھارت میچ ہو اور پاکستان ، ہندوستان سمیت پوری دنیا میں گہما گہمی نہ ہو ، ایسا ہو نہیں سکتا ، اور اگر ہو بھی ہو تو وہ دیوانے کے خواب سے بڑھ کر کچھ نہیں ہوگا۔پاکستان اور بھارت کا یہ میچ کچھ یوں بھی خاص ہے کہ 1992 میں ہونے والی پاکستان کی فتح کے ہیرو پاکستانی لیجنڈ عمران خان کولکتہ سٹیڈیم میں پاک بھارت میچ دیکھنے کے ساتھ ساتھ پاکستانی شاہینوں کا حوصلہ بڑھانے کیلئے خود وہاں موجود ہیں ۔ سٹیڈیم اُس وقت پاکستان زندہ باد کے نعروں سے گونج اٹھا جب بھارتی وزیر اعلیٰ نے نوجوانوں کے دلوں کی دھڑکن عمران خان کا کولکتہ سٹیڈیم میں شاندار استقبال کیا اور انہیں اعزازی چادر پہنائی ۔اس موقع پر عمران خان سمیت بھارتی معروف کرکٹرز سچن ٹنڈولکر ، سہواگ اور بالی ووڈ کے معروف اداکار امیتابھ بچن اور ان کے صاحبزادے ابھیشیک بچن بھی موجود تھے۔