کراچی /لاہور /اسلام آباد /پشاور /کوئٹہ (نیوز ڈیسک)آزاد کشمیر اور گلگت بلتستان سمیت ملک بھر میں شائقین کرکٹ پاک بھارت میچ کے باعث تمام مصروفیات منسوخ کر کے میچ دیکھنے کی تیاریوں میں مگن رہے ۔تفصیلات کے مطابق پاکستان اور بھارت کے درمیان شاندار اور سنسنی خیز مقابلے کیلئے پاکستان بھر میں شائقین کرکٹ کی جانب سے اپنی تمام تر مصروفیات منسوخ ر ہیں بیشتر کاروباری ادارے بھی جلد بند کر دیئے گئے ٗ کراچی میں ہونے والی تمام ثقافتی سرگرمیاں ملتوی کردی گئیں کراچی کے سینماؤں میں ہونے والے شوز بھی منسوخ کئے گئے سینماؤں پر بڑی اسکرین پر اس دلچسپ میچ کو دکھانے کے خصوصی انتظامات کیے گئے ہیں۔