کلکتہ (نیو زڈیسک)ورلڈ ٹی 20 میں روائتی حریف کے خلاف مقابلے کیلئے قومی ٹیم میں ایک تبدیلی کئے جانے کا امکان ہے۔ تفصیلات کے مطابق پاکستانی ٹیم بھارت کے خلاف 4 فاسٹ باؤلرز کے ساتھ میدان میں اتر سکتا ہے اور عماد وسیم کو ڈراپ کر کے ان کی جگہ محمد سمیع کو ٹیم میں شامل کئے جانے کا امکان ہے۔ذرائع کے مطابق میچ سے قبل ہوٹل میں پاکستانی ٹیم کی میٹنگ ہوئی جس میں ممکنہ تبدیلیوں اور میچ کی حکمت عملی سے متعلق غور و فکر کیا گیا۔ ذرائع کے مطابق حتمی 11 کھلاڑیوں کے ناموں کا اعلان میچ سے کچھ دیر قبل کیا جائے گا تاہم قوی امکان ہے کہ عماد وسیم کی جگہ محمد سمیع کو ٹیم میں شامل کیا جائے گا۔