کولکتہ(نیوز ڈیسک)سابق بھارتی کھلاڑی سونیل گواسکر نے پاکستان کرکٹ ٹیم کو فیورٹ قرار دیدیا۔پاک بھارت میچ سے قبل بھارتی سابق بھارتی کھلاڑی سونیل گواسکر نے پاکستان ٹیم کو فیورٹ قرار دیتے ہوئے کہا کہ پاکستانی کھلاڑی بھارت کے گراؤنڈ کی کنڈیشنز سے واقف ہو چکے ہیں۔یہ بات پاکستان نے سری لنکا اور بنگلادیش کے خلاف میچ جیت کے ثابت کردی ہے۔انہوں نے بھارتی کھلاڑیوں کو مشورہ دیتے ہوئے کہا کہ بھارتی کھلاڑیوں کو محمد عامر سے بچ کے رہنا ہوگا۔ جبکہ ورلڈ کپ کے سپر میگا میچ سے پہلے ریکارڈ ہولڈر سچن ٹنڈولکر کے تبصرے نے بڑے بڑوں کو ہلا کے رکھ دیا، کہتے ہیں کہ محمد عامر، محمد حفیظ اور شاہد آفریدی بھارت کے لئے خطرناک ہو سکتے ہیں۔ ورلڈ ٹی 20 کے فائنل سے بھی بڑے فائنل سے پہلے بھارتی میڈیا پر بڑا میدان لگ گیا، ماسٹر بلاسٹر سچن ٹنڈولکر نے اپنی ٹیم کو خطرناک شاہینوں سے آگاہ کر دیا، کہتے ہیں محمد عامر کا فرسٹ اسپیل، محمد حفیظ اور شاہد آفریدی بھارت کے لئے خطرناک ہو سکتے ہیں۔ساتھ ہی ساتھ سچن ٹنڈولکر نے اپنے کپتان دھونی کی تعریف بھی کی کہ وہ دباؤ میں زیادہ اچھی کرکٹ کھیلتے ہیں۔ لِٹل ماسٹر نے یہ بھی کہا کہ ایڈن گارڈنز کا کراؤڈ پاکستان کے لئے پریشر بڑھائے گا، جس کا فائدہ میزبان بھارت کو ہو گا۔