کولکتہ (نیوز ڈیسک) روایتی حریف بھارت کے خلاف میچ سے قبل آپشنل ٹریننگ سیشن میں پاکستان کی جانب سے 6کھلاڑیوں نے حصہ نہیں لیا۔ نجی میڈیا نے ذرائع کے حوالے سے بتایا کہ قومی ٹیم کے چند کھلاڑیوں نے ڈھائی گھنٹے تک پریکٹس اور فزیکل ٹریننگ کی۔ ذرائع کے مطابق شاہد آفریدی ، احمد شہزاد ، محمد حفیظ ، وہاب ریاض ، عامر اور عرفان نے پریکٹس نہیں کی ۔ بھارت کی جانب سے آپشنل ٹریننگ میںصرف 3کھلاڑیوں نے حصہ لیا۔ پاکستان اور بھارت کے درمیان پہلا میچ 19مارچ کو کولکتہ کے میدان میں کھیلا جائے گا۔