کولکتہ (نیوز ڈیسک) بھارتی کرکٹ ٹیم کے سابق کپتان سنیل گواسکر کا کہنا ہے کہ پاک بھارت میچوں سے پہلے عوامی جذبات اپنی انتہا کو پہنچ جاتے ہیں۔ اس لئے میں سمجھتا ہوں کہ پاکستانی کپتان شاہد آفریدی کا حالیہ بیان کافی کارگر ثابت ہو سکتا ہے اور اس سے بھارتی شائقین کے پاکستان مخالفت جذبات میں کمی آ سکتی ہے۔ بھارتی میڈیا سے گفتگو کرتے ہوئے سنیل گواسکر کا کہنا تھا کہ شاہد آفریدی نے جو کچھ کہا اس پر یقیناً پاکستان میں ردعمل سامنے آیا لیکن میں اسے مثبت انداز میں دیکھتا ہوں۔