کلکتہ (نیوز ڈیسک) پاکستان کرکٹ ٹیم کے ہیڈ کوچ وقار یونس نے کہا ہے کہ آفریدی نے کوئی متنازع بات نہیں کی، بخار کے باعث وہ پریکٹس سیشن میں نہیں آئے اور امید ہے کہ وہ آج کے میچ کیلئے دستیاب ہوں گے۔تفصیلات کے مطابق ہیڈ کوچ وقار یونس نے آفریدی کے بیان اور اس پر ہونے والی تنقید پر ردعمل کا اظہار کرتے ہوئے کہا ہے کہ انہیں نہیں لگتا آفریدی نے کوئی متنازع بات کی ہے۔ انہوں نے مزید کہا کہ بخار کے باعث شاہد آفریدی نے پریکٹس سیشن میں حصہ نہیں لیا تاہم امید ہے کہ وہ آج کے میچ کیلئے فٹ ہو جائیں گے اور قومی ٹیم کی قیادت کریں گے۔ وقار یونس کا کہنا تھا کہ بنگلہ دیش ٹیم میں ایک سال کے دوران کافی بہتری آئی ہے اور اس کے خلاف اچھی کرکٹ کھیلنے کیلئے پرامید ہیں۔وقار یونس نے ٹیم پلان سے متعلق گفتگو کرتے ہوئے کہا کہ بنگلہ دیش کو ہرانے کیلئے سخت محنت کرنا ہو گی اور قومی ٹیم آج کے میچ میں 3 فاسٹ باﺅلرز کے ساتھ میدان میں اترے گی