لاہور (نیوز ڈیسک) سری لنکا کی بلائینڈ کرکٹ ٹیم نے دورہ پاکستان کی دعوت قبول کرلی۔ پاکستان بلائینڈ کرکٹ کونسل کے چیئرمین سید سلطان شاہ کے مطابق سری لنکا کی ٹیم یکم اپریل سے 10 اپریل تک پاکستان کا دورہ کرے گی اور اس دورہ کے دوران وہ تین ٹی ٹونٹی اور تین ون ڈے میچز کھیلے گی۔ ٹی ٹونٹی میچز فیصل آباد اور ون ڈے میچز بہالپور سٹیڈیم میں ہوں گے۔2 اپریل کو پریکٹس کر یگی۔ تین ٹی ٹونٹی میچز کی سیریز3 اپریل سے اقبال سٹیڈیم فیصل آباد میں شروع ہوگی۔پہلا ٹی ٹونٹی میچ3 اپریل کو ،دوسرا 4 اپریل کو تیسرا 5 اپریل کو اقبال سٹیڈیم فیصل آباد میں کھیلا جائے گا۔6 اپریل کو آرام کا دن ہوگا جبکہ تین ون ڈے میچز کی سیریز 7اپریل سے ڈرنگ سٹیڈیم بہالپور میں شروع ہوگی۔پہلا ون ڈے میچ7اپریل کو دوسرا 9اپریل کو اور تیسرا 10اپریل کو کھیلا جائے گا اور11 اپریل کو ٹیم وطن واپس روانہ ہوگی۔