اسلام آباد(مانیٹرنگ ڈیسک) پاکستان کرکٹ بورڈ نے قومی کرکٹ ٹیم کی پے درپے شکستوں کے بعد جونیئر اور سینئر سلیکشن کمیٹیز کو تحلیل کرکے نئی کمیٹیاں قائم کرنے کا فیصلہ کرلیا ہے۔نجی ٹی وی کے مطابق پاکستان کرکٹ ٹیم کی ایشیا کپ میں عبرتناک شکست کے بعد فیکٹ فائنڈنگ کمیٹی قائم کی گئی تھی ۔کمیٹی کی رپورٹ کی روشنی میں سلیکشن کمیٹیز کو تحلیل کرنے کا فیصلہ کیا گیا ہے۔موجودہ سلیکشن کمیٹی میں 90 کی دہائی سے پہلے کرکٹ کھیلنے والے کھلاڑی شامل ہیں جنہیں جدید کرکٹ کے تقاضوں پر عبور حاصل نہیں ہے۔