نئی دہلی(نیوز ڈیسک)آئی سی سی ورلڈ ٹی 20 ٹورنامنٹ کے ڈائریکٹرایم وی سری دھار نے کہا ہے کہ انہوں نے پاکستانی وفد کو پوری طرح سے سیکیورٹی پلان سے آگاہ کردیا ہے۔آئی سی سی ورلڈ ٹی 20 ٹورنامنٹ ڈائریکٹرایم وی سری دھارنے میڈیا سے گفتگو کرتے ہوئے کہا کہ ورلڈ ٹی ٹوئنٹی ٹورنامنٹ کے سیکیورٹی پلان سے پاکستانی وفد کو آگاہ کردیا ہے۔ایم وی سری دھار نے کہا کہ پاکستانی وفدکی بی سی سی آئی اورہماچل دھرم شالہ کی کرکٹ ایسوسی ایشنزسے ملاقات ہوئی ہے۔ ہم پاکستان ہی نہیں تمام آنے والی ٹیموں کی سیکیورٹی کیلئے تیار ہیں۔ایم وی سری دھار کا کہنا تھا کہ پاکستان کے2رکنی سیکیورٹی وفد کوتمام صورتحال سے آگاہ کردیاہے۔ پاکستان سمیت تمام ٹیموں کو مکمل سیکیورٹی فراہم کی جائے گی۔