لاہور(نیوزڈیسک)سلمان بٹ کو ٹیم میں کون شامل کرنا چاہتا تھا اورشدید ترین مخالفت کس نے کی؟ اندر کی کہانی سامنے آگئی، ذرائع کے مطابق ٹیم کے ہیڈ کوچ وقار یونس سلمان بٹ کو ٹی ٹونٹی ورلڈ کپ کےلئے ٹیم میں شامل کرنے کے خواہشمند تھے ۔ تاہم شاید خان آفریدی کی طرف سے واضح اور دو ٹوک موقف اپنایا گیا کہ اگر سلمان بٹ کو ٹیم میں شامل کیا گیا تو میں ٹیم کے ساتھ بھارت نہیں جاﺅں گا۔ ذرائع کے مطابق گزشتہ روز چیف سلیکٹر ہارون رشید اور ہیڈ کوچ وقار یونس نے چیئرمین پی سی بی شہر یار خان سے ان کی رہائشگاہ پر ملاقات ہوئی جو تقریباً دو گھنٹے تک جاری رہی جس میں ٹی ٹونٹی ورلڈ کپ کےلئے ٹیم کے معاملات پر بحث کی گئی ۔ ذرائع کے مطابق ملاقات میں خرم منظور کی جگہ سلمان بٹ کو ٹیم میں شامل کرنے کی درخواست کی گئی لیکن شہر یار خان نے اس مطالبے کو مسترد کر دیا ہے