لاہور (نیوزڈیسک)قومی کرکٹ ٹیم کے سابق کپتان سلمان بٹ کی ورلڈ ٹی 20 میں شرکت کیلئے سلیکٹرز سر جوڑ کر بیٹھ گئے ۔نجی ٹی وی کے مطابق چیف سلیکٹر ہارون رشید، سلمان بٹ کے گھر کھانے کی دعوت پر گئے تھے جس کے بعد امکان ظاہر کیا جارہا تھا کہ انہیں ورلڈ کپ کے سکواڈ میں شامل کرلیا جائےگا ۔ اب یہ خبریں آرہی ہیں کہ سلمان بٹ کی قومی ٹیم میں شمولیت پر غور کیا جارہا ہے اور سلیکٹرز ان کی شمولیت کے فیصلے کے حوالے سے سر جوڑ کر بیٹھ گئے ہیں تاہم اس حوالے سے باقاعدہ فیصلہ پیر کو سلیکشن کمیٹی کے ہونے والے اجلاس میں کیا جائے گا ۔ کپتان شاہد آفریدی فی الحال سلمان بٹ کی قومی ٹیم میں شمولیت کے حق میں نہیں ہیں۔