میرپور(نیوز ڈیسک) پاکستانی بیٹسمین عمر اکمل نے کہا ہے کہ ہیڈ کوچ وقار یونس نے پرانی ویڈیو دکھاکر حوصلہ بڑھایا۔پاکستانی بلے باز عمر اکمل کا سری لنکا کے خلاف شاندار کارکردگی پر کہنا تھا کہ عمدہ کارکردگی دکھانے اور فتح کا مشن مکمل کرنے کیلئے پر عزم تھاخوش ہوں کہ ایونٹ میں اپنی ناکام مہم کا سری لنکا کیخلاف فتح پر اختتام کرنے میں کامیاب ہوئے انھوں نے کہا کہ ورلڈ ٹی ٹوئنٹی سے قبل میرا ردھم میں آنا بھی باعث اطمینان ہے۔واضح رہے کہ پاکستان نے ایشیا کپ کے اپنے آخری میچ میں سری لنکا کو 6 وکٹوں سے شکست دی جس میں عمر اکمل نے 48 رنز بنا کر اہم کردار ادا کیا، عمر اکمل کو شاندار بلے بازی پر میچ کا بہترین کھلاڑی قرار دیا گیا۔