اسلام آ باد(نیوز ڈیسک) پی سی بی نے ورلڈ ٹی 20 کپ میں شرکت کیلئے ابتدائی طور پراوپنر احمد شہزاد سمیت 6 کھلاڑیوں کو بھارتی ویزے جاری کر دیے ہیں تاہم قومی ٹیم کی ورلڈ ٹی 20 میں شرکت وزارت داخلہ کی جانب سے سکیورٹی کلیئرنس سے مشروط ہوگی۔میڈ یا رپورٹس کے مطابق پی سی بی حکام نے احمد شہزاد سمیت 6 کھلاڑیوں کو بھارت روانگی کیلئے ویزے جاری کر دیے ہیں جبکہ دیگر ارکان کے ویزے پراسیس میں ہیں جو جلد انکے حوالے کر دیے جائیں گے۔ ذرائع کا کہنا ہے کہ قومی ٹیم کی ورلڈ ٹی 20 میں شرکت وزارت داخلہ کی سکیورٹی کلیئرنس رپورٹ پر منحصر ہو گی اور چودھری نثار علی خان رپورٹ وزیر اعظم کو پیش کریں گے تاہم رپورٹ تیا ر کر لی گئی ہے۔