ڈھاکہ(نیوز ڈیسک) ایشیا کپ کرکٹ میں عرب امارات کی ٹیم نے پاکستان کو میچ جیتنے کےلئے 130 رنز کا ہدف دیا تھا جسے پاکستان نے 19ویں اورر میں 3وکٹوں کے نقصان پر پورا کر لیا۔شعیب ملک 63اور عمر اکمل 50رنز کے ساتھ ناقابل شکست رہے۔ہدف کے تعاقب میں پاکستان کی اننگز کا آغاز انتہائی مایوس کن رہا اوراوپنر شرجیل خان 4اور خرم منظور صفر پر امجد جاوید کا شکار بنے۔پروفیسر محمد حفیظ صرف 11رنز بنا کر پویلین لوٹ گئے۔یو اے ای کی جانب سے کپتان امجد جاوید نے تینوں کھلاڑیوں کو آﺅٹ کیا۔ٹی ٹوئنٹی کرکٹ میں پاکستان کا یہ 100واں میچ تھا۔عرب امارات نے ٹاس جیت کر پہلے بیٹنگ کا فیصلہ کیا،اور مقررہ20اوورز میں6وکٹوں کے نقصان پر129رنز بنا کر پاکستان کو130رنز کا ہدف دیاجس میں شمیم انور کے46رنز کی عمدہ اننگ تھی انہوں نے42گیندوں کا سامناکیا جس میں5چوکے اور دو چھکے شامل تھے۔ شمیم انور کے علاوہ محمد عثمان21اور امجد جاوید27رنز بنا کر قابل ذکر رہے۔پاکستان کی جانب سے محمد عامر اور محمد عرفان نے دو ،دوجبکہ شاہد آفریدی اور محمد سمیع نے ایک ،ایک وکٹ حاصل کی۔