ڈھاکہ(نیوز ڈیسک) ورات کوہلی کا کہنا ہے کہ محمد عامر نے بہت اچھی باولنگ کی انہیں مبارکباد دیتا ہوں۔ تفصیلات کے مطابق ایشیا کپ کے سلسلے میں کھیلے گئے میچ میں بھارت نے پاکستان کو شکست سے دوچار کر دیا ہے۔ بھارت کی جانب سے ورات کوہلی نے 49 رنز کی اننگ کھیل کے فتح میں اہم کردار ادا کیا۔ میچ کے بعد تقسیم انعامات کی تقریب کے دوران گفتگو کرتے ہوئے ورات کوہلی کا کہنا تھا کہ محمد عامر نے بہت اچھی باولنگ کی انہیں مبارکباد دیتا ہوں۔انہیں محمد عامر کی شاندار باولنگ کا سامنا کرکے مزا آیا۔ انہیں امید ہے کہ محمد عامر مستقبل میں مزید اچھا کھیل پیش کریں گے۔ اس موقع پر بھارتی ٹیم کے کپتان مہندرا سنگھ دھونی نے بھی محمد عامر کی شاندار باولنگ کی تعریف کرتے ہوئے کہا کہ انہوں نے بھارتی ٹیم کو شدید مشکلات کا شکار کر دیا تھا۔