دبئی(نیوز ڈیسک)کوئٹہ گلیڈ ی ایٹر کے کپتان سرفراز احمد نے کہا ہے کہ فائنل میچ میں ہماری ٹیم نے اچھا کھیل پیش کیا لیکن اسلام آباد یونائیٹڈ کا دن تھا ،ان کا کہنا تھا کہ اگر ڈیوائن سمتھ کا کیچ پکڑ لیاجاتا تو ہم جیت سکتے تھے۔پی ایس ایل کے فائنل میچ کی اختتامی تقریب میں بات کرتے ہوئے سرفراز احمد نے کہا کہ پی ایس ایل فائنل میں جیتنے پر اسلام آباد یونائیٹڈ کو مبارکباد پیش کرتا ہوں۔انہوں نے کہا کہ فائنل میچ میں ہم نے سکور بورڈ پر اچھا سکور لگا یا لیکن اسلام آباد کا دن تھا ،اگر ڈوایوئن سمتھ کا کیچ پکڑ لیا جاتا تو میچ ہمارا ہو سکتا تھا۔ان کا کہنا تھا کہ پی ایس ایل کے فائنل میچ میں آنا بڑے اعزاز کی بات ہے،پی ایس ایل میں سینئرکھلاڑیوں کے ساتھ کھیل کر بہت کچھ سیکھنے کو ملا۔سرفراز احمد نے پی ایس ایل فائنل میچ دیکھنے کے لیے آنے والے وزیر اعلیٰ بلو چستان اور شائقین کا شکریہ ادا کیا۔ایک سوال پر انہوں کہا کہ اب ایشیا کپ کی تیاری کریں گے تاکہ ایشیا کپ کا ٹائٹل پاکستان کے نام کر کے قوم کو خوشی کا موقع فراہم کر سکیں