شارجہ(نیوز ڈیسک) پاکستان سپر لیگ(پی ایس ایل) میں پشاور زلمی کی ٹیم نے اوپنر تمیم اقبال کی جگہ جارح مزاج انگلش بلے باز جونی بیئراسٹو کی خدمات حاصل کر لی ہیں.پشاور کی نمائندگی کرنے والے بنگلہ دیشی اوپنر نجی وجوہات کے سبب وطن واپس لوٹ گئے تھے تمیم اقبال کی بیوی امید سے ہیں اور ان کے ہاں پہلے بچے کی پیدائش متوقع ہے، اسی وجہ سے وہ وطن واپس لوٹ گئے اور ایشیا کپ ٹی ٹوئنٹی میں اپنی ٹیم کی نمائندگی بھی نہیں کریں گے.پشاور زلمی نے بنگلہ دیشی اوپنر کی جگہ انگلینڈ کے جارح مزاج بلے باز جونی بیئراسٹو کی خدمات حاصل کر لی ہیں جو ممکنہ طور پر کوئٹہ گلیڈی ایٹرز کے خلاف پہلے پلے آف میں ٹیم کا حصہ بن سکتے ہیں ¾بیئر اسٹو کو 24 ٹیسٹ، 12 ایک روزہ اور 19 ٹی ٹوئنٹی انٹرنیشنل میچوں کا تجربہ رکھتے ہیں.